Камітэт дзяржкантролю праверыў, як выкарыстоўваецца дзелавая драўніна, набытая фізічнымі асобамі для будаўніцтва жылых дамоў і надворных пабудоў

У адпаведнасці з Указам Прэзідэнта Рэспублікі Беларусь ад 23.11.2020 № 437 «Аб вядзенні лясной гаспадаркі і рэалізацыі драўніны» арганізацыі Мінлясгаса маюць права прадаваць дзелавую драўніну фізічным асобам па льготных цэнах.

Абавязковай умовай рэалізацыі драўніны з'яўляецца яе выкарыстанне ў асабістых мэтах для будаўніцтва (не больш за 70 куб.м) або рамонту (не больш за 10 куб.м) жылых дамоў і надворных пабудоў.

Гэтым правам ужо скарысталася больш за 6,5 тыс. грамадзян, якімі па-за біржавымі таргамі было набыта 126 тыс. м³ дзелавой драўніны.

У ходзе праверкі мэтавага выкарыстання набытай драўніны, Камітэтам дзяржкантролю сумесна з Мінлясгасам і райвыканкамамі вывучана сітуацыя з выездам на месца ў 4,5 тыс. падворках.

Устаноўлены адзінкавыя факты нямэтавага выкарыстання лесаматэрыялаў, па якіх прыняты меры па кампенсацыі кошту ў трохразовым памеры. Напрыклад, у Бабруйскім і Кобрынскім лясгасах грамадзяне набылі 20 м³ дзелавой драўніны для будаўніцтва жылога дома і рамонту гаспадарчай пабудовы. Фактычна яны не выкарыстоўвалі драўніну для асабістых мэт, а перадалі яе сваякам.

Цяпер Мінлясгасам арганізавана вядзенне зводнага рэестра, у якім ажыццяўляецца ўлік фізічных асоб, якія заключылі дагаворы на набыццё драўніны. Гэта дазволіць выключыць яе неправамерны водпуск па льготнай цане, а таксама вышэй за ўстаноўленыя правіламі нормы.

Адзначым, што за нямэтавае выкарыстанне набытай па льготных цэнах дзелавой драўніны прадугледжана адказнасць у памеры ТРОХКРАТНАГА кошту такой драўніны.