Галоўная / Медыя / Навіны

Навіны

23.11.2022

Жодзінскае прыватнае прадпрыемства "зэканоміла" на падатках звыш 1,5 млн. рублёў

Жодзінскае прыватнае прадпрыемства "зэканоміла" на падатках звыш 1,5 млн. рублёў
Жодзінскае таварыства з абмежаванай адказнасцю недаплаціла ў бюджэт больш за 1,5 млн. рублёў падаткаў, заніжаючы выручку ад рэалізацыі запасных частак да аўтамабіляў. Гэты факт выявілі работнікі Барысаўскага міжраённага аддзела фінансавых расследаванняў.

Як высветлілася, камерцыйнае прадпрыемства афармляла рэалізацыю ў адрас падкантрольных расійскіх фірм запчастак з мінімальнай рэнтабельнасцю, а тыя ў сваю чаргу афармлялі продаж гэтых тавараў пакупнікам з Расіі, Казахстана і Узбекістана ўжо з нацэнкай каля 20-30 працэнтаў.

Насамрэч тавары са склада жодзінскага суб'екта гаспадарання паступалі напрамую пакупнікам. Фактычна пытаннямі рэалізацыі займаліся службовыя асобы жодзінскага прадпрыемства, а не фірм-пасрэднікаў, якія былі ўключаны ў схему толькі для афармлення здзелак куплі-продажу.

У выніку значныя грашовыя сродкі асядалі на рахунках падкантрольных расійскіх фірмаў, а жодзінскае прадпрыемства прыніжала атрыманую ад рэалізацыі запчастак выручку.

За ўхіленне ад выплаты падаткаў у асабліва буйным памеры ўзбуджана крымінальная справа па ч. 3 арт. 243 Крымінальнага кодэкса Рэспублікі Беларусь у дачыненні да заснавальніка і дырэктара прыватнага прадпрыемства. На маёмасць падазроных накладзены арышт. Вядзецца папярэдняе расследаванне.
Усе навіны
Зваротная сувязь
Паведаміць аб завышэнні цэн на лекі Паведаміць аб завышэнні цэн на лекі Паведаміць аб завышэнні цэн на тавары Паведаміць аб завышэнні цэн на тавары Маніторынг аб'ектаў звышнарматыўнага будаўніцтва Маніторынг аб'ектаў звышнарматыўнага будаўніцтва Скажы не заробку "ў канверце" Скажы не
заробку "ў канверце"
Інтэрнэт-партал Прэзідэнта Рэспублікі Беларусь Інтэрнэт-партал Прэзідэнта Рэспублікі Беларусь Прававы форум Беларусі Прававы форум Беларусі Нацыянальны прававы інтэрнэт-партал Нацыянальны прававы інтэрнэт-партал Belarus.by - Афіцыйны сайт Рэспублікі Беларусь Belarus.by - Афіцыйны сайт Рэспублікі Беларусь Савет Міністраў Рэспублікі Беларусь Савет Міністраў Рэспублікі Беларусь XXI Конкурс-Інтэрнэт прэмія ТІБО-2024 XXI Конкурс-Інтэрнэт прэмія ТІБО-2024