Галоўная / Медыя / Навіны

Навіны

12.05.2023

Пытанні навядзення парадку ў выкарыстанні зямель разгледжаны ў ходзе нарады ў Камітэце дзяржкантролю

Пытанні навядзення парадку ў выкарыстанні зямель разгледжаны ў ходзе нарады ў Камітэце дзяржкантролю
У Камітэце дзяржаўнага кантролю адбылася нарада па пытаннях выканання даручэнняў Кіраўніка дзяржавы, якія датычацца навядзення парадку ў выкарыстанні зямель.

Мерапрыемства прайшло пад старшынствам першага намесніка кіраўніка кантрольнага ведамства Дзмітрыя Баскі і старшыні Дзяржаўнага камітэта па маёмасці Дзмітрыя Матусевіча. У нарадзе прынялі ўдзел прадстаўнікі аблвыканкамаў і Мінскага гарвыканкама, а таксама шэрагу мясцовых выканкамаў, у якіх мелася найбольшая колькасць праблем па разглядаемых пытаннях.

Начальнік упраўлення кантролю за выкарыстаннем дзяржаўнай уласнасці Камітэта дзяржкантролю Мікалай Зеньчык праінфармаваў аб праблемных пытаннях, выяўленых у ходзе кантрольных мерапрыемстваў пры выкарыстанні зямель, а таксама напрамках далейшага выкарыстання ўсіх зямель сельгаспрызначэння, аднесеных да земляў пад драўнінна-хмызняковай расліннасцю (ДХР).

Вынікі праведзеных Камітэтам дзяржкантролю праверак паказваюць, што за апошнія гады павялічылася плошча зямель пад ДХР з адначасовым скарачэннем сельгасзямель. З прычыны недастатковага кантролю з боку мясцовых выканкамаў сельгасарганізацыі прадаўжаюць дапускаць выпадкі беспадстаўнага невыкарыстання прадастаўленых ім сельгасзямель сельгаспрызначэння, што вядзе да зарастання гэтых зямель пустазельнай і драўнінна-хмызняковай расліннасцю. Пры гэтым да гэтага часу ўсімі аблвыканкамамі не забяспечана інвентарызацыя ўсіх зямель, якія знаходзяцца пад ДХР і зацвярджэнне планаў па выкарыстанні такіх зямель.

Прадстаўнікі Дзяржкаммаёмасці паведамілі аб рэалізацыі матэрыялаў інвентарызацыі зямель, праведзенай у 2022 годзе ў 70 працэнтах населеных пунктаў рэспублікі, а таксама праінфармавалі аб завяршэнні інвентарызацыі зямель у бягучым годзе на тэрыторыі астатніх 30 працэнтаў населеных пунктаў.

Таксама разгледжаны пытанні зносу непрыдатных і неэксплутаваных будынкаў і збудаванняў сельгасарганізацый з уцягваннем у гаспадарчы абарот зямельных участкаў, якія вызваліліся, уключэння ў гаспадарчы абарот пустых жылых дамоў і зямельных участкаў, на якіх яны размешчаны, скарачэння колькасці не завершаных будаўніцтвам незакансерваваных жылых дамоў, дач.

Адна з галоўных праблем неўцягвання такіх зямель у абарот - няякасная інвентарызацыя размешчаных на іх аб'ектаў. Да гэтага часу Камітэтам дзяржкантролю працягваюць выяўляцца аварыйныя сельгазаб'екты, якія не выкарыстоўваюцца, і якія не ўключаны ў планы зносу. Таксама ўстанаўліваюцца выпадкі не прывядзення ў належны стан зямельных участкаў пасля зносу сельгасаб'ектаў.

Па выніках нарады наяўныя праблемныя пытанні будуць абагульнены і выпрацаваны канкрэтныя прапановы па іх вырашэнню. Інфармацыя будзе накіравана ва Урад для прыняцця мер рэагавання.  
Усе навіны
Зваротная сувязь
Паведаміць аб завышэнні цэн на лекі Паведаміць аб завышэнні цэн на лекі Паведаміць аб завышэнні цэн на тавары Паведаміць аб завышэнні цэн на тавары Маніторынг аб'ектаў звышнарматыўнага будаўніцтва Маніторынг аб'ектаў звышнарматыўнага будаўніцтва Скажы не заробку "ў канверце" Скажы не
заробку "ў канверце"
Інтэрнэт-партал Прэзідэнта Рэспублікі Беларусь Інтэрнэт-партал Прэзідэнта Рэспублікі Беларусь Прававы форум Беларусі Прававы форум Беларусі Нацыянальны прававы інтэрнэт-партал Нацыянальны прававы інтэрнэт-партал Belarus.by - Афіцыйны сайт Рэспублікі Беларусь Belarus.by - Афіцыйны сайт Рэспублікі Беларусь Савет Міністраў Рэспублікі Беларусь Савет Міністраў Рэспублікі Беларусь XXI Конкурс-Інтэрнэт прэмія ТІБО-2024 XXI Конкурс-Інтэрнэт прэмія ТІБО-2024