Галоўная / Медыя / Навіны

Навіны

01.12.2022

Беларуская дэлегацыя прыняла ўдзел у мерапрыемствах 37-й Пленарнай сесіі ЕАГ

Беларуская дэлегацыя прыняла ўдзел у мерапрыемствах 37-й Пленарнай сесіі ЕАГ
Беларуская дэлегацыя, у складзе прадстаўнікоў дэпартаментаў фінансавага маніторынгу і фінансавых расследаванняў Камітэта дзяржаўнага кантролю і іншых дзяржаўных органаў, прыняла ўдзел у мерапрыемствах 37-й Пленарнай сесіі Еўразійскай групы па супрацьдзеянні легалізацыі злачынных даходаў і фінансаванню тэрарызму (ЕАГ), якія адбыліся ў г.Душанбэ (Рэспубліка Таджыкістан).

У мерапрыемствах Пленарнай сесіі ЕАГ прынялі ўдзел прадстаўнікі дзяржаў-членаў ЕАГ, Сакратарыята ФАТФ (Група распрацоўкі фінансавых мер па барацьбе з адмываннем грошай), Групы "Эгмант", а таксама дзяржаў і арганізацый, якія маюць статус назіральнікаў у ЕАГ.

Падчас мерапрыемстваў Пленарнае пасяджэнне заслухала справаздачу аб прагрэсе Рэспублікі Беларусь у рамках 2-га раунда ўзаемных ацэнак ЕАГ, адзначыўшы прагрэс нашай краіны ва ўдасканаленні нацыянальнай антыадмывальнай сістэмы. Наступная справаздача аб прагрэсе павінна быць прадстаўлена Рэспублікай Беларусь праз 3 гады.

Удзельнікі Пленарнага пасяджэння таксама разгледзелі найлепшыя практыкі, тыпалогіі і вопыт аўтаматызацыі аналітычнай дзейнасці па пытаннях ПАД/ФТ, свой вопыт прадэманстравалі прадстаўнікі Дэпартамента фінансавых расследаванняў.

Пленарнае пасяджэнне ЕАГ дало станоўчую адзнаку вынікам другой Міжнароднай алімпіяды па фінансавай бяспецы, праведзенай па ініцыятыве Расійскай Федэрацыі з мая па кастрычнік 2022 года, дзе беларускія студэнты заваявалі 2 узнагароды.

Рашэннем Пленарнага пасяджэння па выніках адкрытага галасавання прадстаўнік ад Рэспублікі Беларусь быў абраны сустаршынёй працоўнай групы ЕАГ па тыпалогіях, супрацьдзеянні фінансаванню тэрарызму і злачыннасці.

Акрамя таго, на палях Пленарнай сесіі адбыўся 9-ы конкурс на лепшае ўзаемадзеянне дзяржаўных органаў у сістэме супрацьдзеяння легалізацыі злачынных даходаў, фінансавання тэрарызму і фінансавання зброі масавага паражэння (ПАД/ФТ) у дзяржавах-членах ЕАГ. Прадстаўленае Камітэтам дзяржаўнага кантролю расследаванне стала пераможцам гэтага прэстыжнага штогадовага конкурса.

Таксама ў г.Душанбэ адбылося 21-е пасяджэнне Савета кіраўнікоў падраздзяленняў фінансавай разведкі дзяржаў - удзельніц Садружнасці Незалежных Дзяржаў (СРПФР), членам якога з'яўляецца Дэпартамент фінансавага маніторынгу. Падраздзяленні фінансавай разведкі - члены СРФПР пацвердзілі намер пашыраць узаемадзеянне і далейшае супрацоўніцтва ў рамках гэтай арганізацыі.

Даведачная інфармацыя

ЕАГ - міжнародная міжурадавая арганізацыя, створана ў 2004 годзе ў мэтах забеспячэння эфектыўнага ўзаемадзеяння на рэгіянальным узроўні і інтэграцыі дзяржаў - членаў ЕАГ у міжнародную сістэму процідзеяння легалізацыі злачынных даходаў і фінансаванню тэрарызму ў адпаведнасці з агульнапрызнанымі міжнароднымі стандартамі ў гэтай сферы. Членамі ЕАГ з'яўляюцца 9 краін - Беларусь, Індыя, Казахстан, Кітай, Кыргызстан, Расія, Таджыкістан, Туркменістан і Узбекістан.

Інтарэсы Рэспублікі Беларусь у ЕАГ прадстаўляе Дэпартамент фінансавага маніторынгу Камітэта дзяржкантролю.  
Усе навіны
Зваротная сувязь
Паведаміць аб завышэнні цэн на лекі Паведаміць аб завышэнні цэн на лекі Паведаміць аб завышэнні цэн на тавары Паведаміць аб завышэнні цэн на тавары Маніторынг аб'ектаў звышнарматыўнага будаўніцтва Маніторынг аб'ектаў звышнарматыўнага будаўніцтва Скажы не заробку "ў канверце" Скажы не
заробку "ў канверце"
Інтэрнэт-партал Прэзідэнта Рэспублікі Беларусь Інтэрнэт-партал Прэзідэнта Рэспублікі Беларусь Прававы форум Беларусі Прававы форум Беларусі Нацыянальны прававы інтэрнэт-партал Нацыянальны прававы інтэрнэт-партал Belarus.by - Афіцыйны сайт Рэспублікі Беларусь Belarus.by - Афіцыйны сайт Рэспублікі Беларусь Савет Міністраў Рэспублікі Беларусь Савет Міністраў Рэспублікі Беларусь XXI Конкурс-Інтэрнэт прэмія ТІБО-2024 XXI Конкурс-Інтэрнэт прэмія ТІБО-2024